BASA

- 202 - LO FROMADZO ___ _ , _ _ _ A l'Académie S. Anselme. Lo fromadzo l'est pa si dzen que la fontina , L ' et pi tri, l'et pi deur ; l'at la tzir bien moën fma ; Et pi, vo sade ben , sensa preclzé pi lloën, Lo fromadzo, l'et cheur, l'at tot lo beurro en moën . Quatze cou l'et bien beur et de cou flèrie gramo, L'et cica blet entor, l'et adon que· dze l'amo ; L'at un goût que gnun plat pout jamë vo bailler. Gnun gateau, avouë lliu, pourret se batailler. Un de cice bocon, quand dze l'i den le di, Dze n 'exagero pas, l' et pa lo paradi ; Ma mè dze sento fran un goût pa1iiculier, Bien que d'atre pouvon pa soven l'apprécier. L'at un goût d 'en tzi no ; l'et pa un gout de freye, Et gnenca un gout di fleur que van tze1izé le feye . L 'at un gout savouri, étrandzo, fort, profon, D ' eun'erba o d ' euna fleur catsà den noutre mon. Et depi qu' euna fleur, ci gout me fa pensé A de parfum secret que gnun pout më trouver, Parfum que vëgnon pas den le prà di campagne Ma vëgnon maque den l~ reïse di montagne.