BASA

254 A. ZANOTTO XL [29 aoüt 1601 J Messieurs. I'ay receu il )' a deux jours une lettre de S. A. par la– quelle il me donne aduis comme il est resoulu de faire passer huict pie– ces de canon par celle vallée pour estre conduictes par le Petit Sainct Bernard a Montmelian, et me commande de le vous faire entendre, a celle fin que vous pouruoyez en quelle maniere elles pourront estre conduictes a la moindre foule de ces pauures peuples qu'il a en telle recoummandation que s'il eust peu les dispenser de ceste despense et peyne, il auroyt faict tres volontiers, et sy bien ie croy que du dem– puis ayant sceu mon acheminement de deça, ie masseure quit vous en aura escript tout autant. Je n'ay voulu delaisser de vous en escrire ceste par la voye de monsieur le baron de Fenix mon cousin, et vous dire que vous deuez a mon aduis eslire quelque personnage capable pour pouuoir ordonner ladicte conduicte conuenablement. Ce a quoy ie m'asseure vous serez aussy promptz a executer que vous auez estez en toutes autres choses du seruice de S. A. Et sur ceste asseurance, ie vous salue trez tous de la mesme affection que ie suis, Messieurs, vos– tre tres affectionnè a vous seruir: Gaspard de Geneve. De Thonon ce 29 daoust 1601. XLI [15 février 1602 J Messieurs. V astre lettre mest venue en main a linstant que je voulais monter a cheual pour men aller jusques en Sauoye par le che· min du Mont Senis, d'autant que j'ay entendu que je ne pourrais pas– ser ny par l'un ny par l'autre Sainct Bernard. Que sera la cause que je ne vous pourray voir pour le present, ny aussy pouruoir a ce que vous desirez pour le passage de ces gens de guerre. Ce que je remettray au soin que je m'asseure en aura monsieur de Chastelargent. Auec ce j'cs· pere me retrouuer icy pour le plus tard au vingtiesme du mois pro– chain, auant lequel temps l'on ne resoudra rien dudict passage, vous priant de croire que je n'oublieray rien de ce que je dois pour le bien et vtilité du pays. Et en cest endroict je vous baise les mains a tous et demeure, Messieurs, vostre tres affectionnè a vous seruir: Gaspard de Geneve. De Thurin ce 15e de feburier 1602. XLII [ l.er mal 1602 J Messieurs. Je croy que vous aurez receu la lettre que S. A. vous a escript ces jours passez, et que par icelle vous aurez vehu comme il