BASA

282 A. ZANOTTO te ilz ne sont estes responsables que par deuant vostre Altesse leur souuerain en matiere temporelle, et par deuant leur euesque en touttes les causes siuilles et criminelles concernant le droict ecclesiastique et en dernier ressort par deuant le metropollitain de Tarentaise, Ion veuille a present au grand preiudice des droictz de vostre Altesse et contre l'ancienne usance et coustume dudict pais soubz pretexte d'in– quisition introduire ung nouueau tribunal et jugement auec des pri– sons nouelles, chose qui a tellement esbranle et esmeu ledict pais en general que ils sont contrainctz recourir a ses piedz pour im– plorer sa protection a l'aide delaquelle lon puisse faire cesser telle noueauté qui porroit aultrement apporter consequence notable et pre– iudiciable a son seruice auec esmotion et troubles au detriment dudict pais. Et pour faciliter telle protection sienne parlant de ce qui est de fraische memoire il se treuue que du temps de l'euesque Gazin et sub– sequtiuement de celluy du cardinal Bobba aulcuns ayantz estes inti– tules d'heresie ont este pressez par eulx et leurs vicaires et du dem– puis remis aux seigneurs pairs et impairs comme bras seculier pou1 execution de leur sentence sans que pour lhors il se parlast d'aulcun inquisiteur ny que personne y fust entreuenu en ceste qualite. L'euesque Gromis qui leur succeda voulut soubz pretexte de quelques sourcieres introduire l'inquisition, et ce en picque du sieur de Vilarsel pour lhors gouuerneur, quil auoit pour contraire, mais le pays s'opposa a telle noueaute et y heust de ce appel interiecté comme d'abbus pour l'ung des accuses au Senat de Sauoye ou il fust conduict et appres auoir este ouy ensemble les accusateurs il fust liberé et y heust adiornement personnel decerne contre l'euesque et son vicaire fauteurs dudict Inquisiteur pour auoir contreuenu aux priuilleges et anciennes coustumes dudict pais d'Aouste auquel l'on n'a jamais veu ny ouy parler quil y heust sinon deux jugementz lung temporel de vos– tre Altesse et l'aultre spirituel qui s'exercoit au palais de l'euesque et non ailleurs. Or cella a marche par son pied jusques a present et se treuue auoir este continue l'ancienne et accoustumee forme de proceder jus– ques maintenant que ayant le sieur archidiacre d'Aouste recherche la charge de vicaire de l'inquisiteur a voulu soubz l'ombre dicelle in– trouire ung noueau tribunal et nouuelles prisons dans la maison de larcidiaconat se faisant seruir par des sergeans constitues de vostre Al– tesse et leur commandant absolument comme s'il heust quelque au– thorite temporelle en la cite sans demander permission aux ministres de vostre Altesse. Acte de preiudice et interest si tres grand a l'autho– rite et iurisdiction dicelle et scandalle du public quil a esmeu et es– bransle tous les habitantz dudict pais en façon que audict Conseil ge– neral ilz ont dict ouuertement que si telle chose deut prendre pied et quil n'y fut remedie la pluspart deshabiteroint.