BASA

LETTRES DU MARQUIS DE LULLIN 285 faict en cas que sadicte Chambre luy en face instance, ains luy com– mander de se desister de vouloir fere publier lesdicts ordres notam– mant celluy de la gabelle du vin en conformation de ses susdictes de– clarations desquelles vous enuoyons une copie. Dont nous ferons que le pays recougnoistra vne partie de voz merites a la premiere exaction des deniers de la taille. Et a tant vous baisant [ ... ]. D'Aouste ce 25 januier 1597. IX SOURCES: A - Original aux Archives de l'Académie Saint-Anselme, fonds Frutaz. METHODE DE PUBLICATION: On publie d'après A. Messieurs. Je prens argument de uous despecher cette staffitte pour uous fere uoir la minute de la prouision que i'ay dressee pour lexemption de la douane et feuillette a fin que des aussy tost que S.A. en aura lasche le mot entier, comme i'en ay bonne esperance laiant desia faict a derny, je la puisse mettre en signature auec asseurance que le contenu soit a vostre satisfaction ce que ie noserois fere aul– trement. En ce cas il y ora quelques emoluments desquelz aussy uous ordonneres vostre uolonte. Vous verres ce qui est de !intention de S.A. sur le contenu de la uostre derniere qui me gardera de uous dire aultre sinon que ie suis attendant a quoy uous uous resouldres pour la sollicitation de nostre College. Saluant sur ce uoz bonnes graces et in– tenant ( ? ) de uous responce par la mesme staffette sur la prouision de la feuillette susdicte et priant Dieu (?) uous auoir, Messieurs, en 3a tres saincte et digne garde. De Turin ce 2 feburier 1597 . Vostre humble et affectionné patriotte et seruiteur: Roncas. A messieurs le Viballif et Commis du duche d'Aouste pour S.A. serenissime. X SOURCES ET METHODE :OE PUBLICATION: Cf. document II. Le duc de Savoye. Tres chers bien amés et feaux. Nous avons reçu vostre lettre et veu l'instance que nous faite par icelle pour l'exemption de la douane et gabelle du vin dont vous eté recherché par notre Chambre des Comptes. Nous sommes benignement disposé à vous gratifier preferant votre satisfaction à la commodité de quelque finance que nos finan– ciers conseillant de tirer de vous en cette occasion par ce vous auré tant plus de sujet de reconnoistre notre bonne volonté en votre endroit.