BASA

LETTRES DU MARQUIS DE LULLIN 287 crainte que lon a tant de vous a qui le faict attouche d'auoir en re– commandation sil luy plaist ce sien gouuernement, puisque mesmes a vostre intercession il a pleu a son Altesse le fauoriser de tant que de le preferer a tous estrangers en la charge de sesdictes munitions et neantmoins nous ferons tout ce quil vous plaira nous commander. D'Aouste ce 8 may 1597. XII SOURCES: A - Original: manque. B - Double de la lettre aux Archives de l'Académie Saint-Anselme, fonds Frutaz. METHODE DE PUBLICATION: On publie d'après B. 1597 - 20 juin. Double de la lettre escripte par S. A. au seigneur de Lullin gouuerneur afin de commander a la noblesse de la suiure a la guerre en Sauoye. Le duc de Sauoie. Tres chier bien ame et feal consellier destat et chambellan. Puisque nous sommes sur le poinct de monter a ce duche pour passer les montz et fere fere teste par nostre presence auec la suitte de toutte nostre noblesse et les forces que nous auons mises sur pied aux ennemis que nous auons sur le poinct dentrer sur nos estats, nous auons vous dire par cette que en exeqution de lordre que nous auons enuoye a la noblesse de ce nostre duche de nous suiure en ceste occasion, vous aues a icelles sommer en general et particullier a ce mettre promptement en chemin auec vous sans aulcune reserue allegation ny difficulte lesquelles vous nen re– cepures pour bonnes attendu que nous entendons que ceulx qui ne pourront y satisfere aultrement le facent par contribution en argent aux aultres personnes suyuant leur obligation et que aux absentz le double de la presente auec vng coman[ deman]t vostre serue de legit– time administration et sur ce confiant en vostre dilligence et en leur affection prions Dieu quil vous aye en sa saincte garde. De Thurin ce XXe juin 1597. Vous conduires quant e vous la mesche que se treuue en Aouste. Ainsy signee: Charles Emanuel, et aubas: Rupaz, et au– dessus intitullee: A nostre bien amis et feaul consellier destat, cham– bellan, coronel de nostre garde suysse et gouuerneur de nostre duche d'Aouste, le marquis de Lullin. XIII SOURCES ET METHODE DE PUBLICATION: Cf. document II. Monseigneur. Au retour par deuers V.A.S. de Monsieur notre gouverneur, ce pays l'a bien voulu prier d'etre son intercesseur aupres