BASA

LETTRES DU MARQU IS DE LULLIN 295 fidelement et dilligemment que nous sera possible, sur attendant l'hon– neur d'une votre reponse. Pour fin vous baisons bien humblement les mains, Monseigneur, vos bien humbles et obeissants serviteurs, le Conseil des Commis du duché d'Aoste pour S.A.S. - Aoste ce 29 aost 1611. XXIV SOURCES ET METHODE DE PUBLICATION: Cf. document IX. A monsieur. Monsieur de Boze viballif du duche d'Aouste. A Thurin. Illustre et tres honnore seigneur. Troyz jours deuant Noel, j'ay faict conduire neuf balles de metal jusque hors des portes de St. Re– my, prenant conge au seigneur Cortella moy permettre le reduire aux hales (?) ou en lieu asseure de St. Remy, ce quil ne voulust fere. Voyant ce ay presente requeste aux seigneurs Commis d'Aouste, seul– lement pour reduire en lieu assure ma marchandise, ce quilz m'on t accorde, moyenant la deue cauthelle ce que sen est ensuyui. Ledict seigneur Cortella les ha faict profumer, bruler comme conuient. Hors du dempuys ledict Cortela senvente et a dict que la marchandise est confisquee a S. A. et que il est desparte de St. Remy pour aller a Thurin pour le se fere adiuger comme garde. Parquoy, Monsieur, comme protecteur de vous seruiteurs et subiectz il vous plaira m'as– sister et prendre le faict en protection. Et si il y a quelque faulte, je me remetz du tout a vostre correction, vous priant, Monsieur, me par– donner si je prens ceste hardiesse de luy escripre, en moy recoman– dant tousiours aux bonnes graces de V. S. delaquelle je suis a jamais, Monsieur, vostre bien humble serviteur: Panthalleon Payan. XXV SOURCES ET METHODE DE PUBLICATION: Cf. document IV. 1613 - 15 decembre. A monseigneur le marquis de Lullin gouuer– neur de ce pays, en congratulation de son retour d'Allemagne. Monseigneur. L'heureux retour de vostre excellence pour l'absen– ce de laquelle ce sien gouuernement se treuuoit priué de son accous– tumé fauorable appuy et assistance tant aupres la personne de son Al– tesse serenissime quaultrement en tant doccasion qui se sont presentées pendant son si long voyage, a bien subiect maintenant de remercier Dieu de son repatriement et sen congratule auec elle comme il fait en general et ce Conseil encores en particulier. Lequel memoratif de la bonne volonte en laquelle il estoit auant sondict voyage de ne se mon– trer du tout mescougnoissant d'une infinité de benefices receuz du passé et quil espere et sasseure receuoir pour laduenir d'elle, ne fut 22 *