BASA

172 G. V alerio s'agist s'en est denpuis ensuyvie aimable resolution et accord suivant lequel le dict oncle et nepveu soy dempuis continuellement entre aymez et conversé ensemble avec demonstration de vraie amittié et attention , le que dallieurs est suffiszamment evident et notoire puisque Jory fils du dict deffunct jaczoit quil soit esté chaudement solicité a denoncer contre le dict enquis, ne la oncque voullu fere scachant tres bien que le dict enquis estant ainy comme il estait du dict son oncle et aussi de bonne nature et paisible, n'aurait onques sceu ny peu entreprendre d'aller commettre semblable forfaict et quant touttes les dictes raisons cessassent comme elles sont tres millitantes encoures doyt le dict enquis estre eslargi et mis hors des prisons a tout le moins pour le present et aultre pour part du dict procureur d'office n'apparant attendu mes– mes que l'on ne doibt proceder a torquir personne sy bien conditionnée sans avoir indices vehements et prochains au fait duquel s'agit pour le grand dangier que pourroyt advenir que l'enquis qu'est de grosse corpullance et maitre masson doubtant qu'estant mis a la corde ne restat struppie et de peur ne confessat d'avoir faict ce que n'est pas vray comme est advenue souvantes foys a autres. A l'occasion de quoy le dict codeffenseur joigniant la presente brefve remonstrance aux aultres sus mentionnées pris Messieurs de l'Assemblée en tout evenement que l'on veuille passer a la dicte cognoissance avoir l'oeil a tout ce que dessus et prefferer la douceur et la clemance a la rigueur et ordonner comme dessus aultrement protesté de la nullité et d'appeller la ou mieulx votre office humblement implorant. Et Nous Chatellain susdict, veu l'acte de visitation du corps de Jacques Allamand, signiffication baillée par le procureur d'office et Jory Allamand, informations prinses pour part d'iceulx, responces faictes par la Magdelaine Allamand, aultre responce faicte par l'enquis, repetition du dict enquis, aultre denonce baillée par le procureur d'office du 23 février dernier, aultre repe– tition du dict enquis et publication de proces faicte le jour suyvant 24 du dict moys, articles deffentionnaulx produicts du neufviesme mars, depositions de quarante huictz tesmoings , examynation pour part de l'enquis, conclusions du procureur d'office et remonstrances par les deffenseurs de l'enquis faictes et tout ce qu'estoit a voir et Nous novissant (1) du signe de la croix en disant « au nom du père, du fils et du sainct esprit amen » par d'advis des dicts seigneurs pers, impers et coustumier icy avec nous assistants et nuls d'iceulx discrepant, par nostre presente sentence interlocutoyre avons dict et ordonné, disons, et ordonnons qu'avant aultre progres sera faicte dheue con· frontation des tesmoings du procureur d'office requis a confronter avec le dict Martigneynes prevenu et on il persistera en ses reponces et iceulx tes– moings a leurs depositions. Sera le dict enquis applicqué a la torture a l'ar– bitraige et moderation d'ung des seigneurs pers, deux nompers et troys cous– tumiers de l'assemblée predicte, lesquels seront nommez et commis pour as– sister en l'acte de la dicte torture suyvant l'ordre coustumier la reste en aultre temps reservant. A la quelle sentence egrege Estienne Jacquino et An– thoine de Martigneine codeffenseurs du dict enquis, tant pour la nullité d'icelle que pour les . .. .. .. faicts au dict enquis, a icelle ne consentent ains comme grefve des apresent s'en portent comme appellant au Souverain Senat de Piedmont soit ou mieulx iurant a leur pouvoyr le dict appel voulloyr