BASA

268 J.-C. Perrin II. 1605, août 13. Avignon. Le précepteur Noël Carrier écrit au seigneur Nicolas d'Avise. Sources: A - Lettre autographe de N. Carrier (mm. 155 x 240). [A.H.R., FuNDS d'Av1sE, Cat. 11, Avise - Investitures, Privilègc.r et Concessions Féodales]. A Monsieur Mon sieur d'Avise, Conseillier destat de S.A. et Senateur au Souverain Senat de Savoye. A Chambery Monsieur, je masseure qu'aures receu le precedente par laquelle ie vous don– noie advis de lestat des estudes de vostre filz. Je ne vous diray rien de nouveau sinon qu'il poursuit en son entreprinse et quil semble daccroistre de iour a aultre ce bon desir en soy ; à loccasion de quoy ie desire lassocier avecque monsieur Orset homme vertueux, fort studieux, de grand esprit et de grand iugemcnt, affin que par le moyen de la conference quilz feront ensemble, il puisse rappourter avecque plus de capacite le degre de doctorat, pour pouvoir plustost et plus commodement parvenir au bout de leurs des– seins ilz souhaittent grandement d'havoir des livres les plus necessaires qui est loccasion qui me faict vous prier de nous faire ceste faveur qu'au lieu dune partie de largent qu'il vous plairoit nous envoyer nous puissions recou– vrer le Droict Civil avecque le Repertorium et le Droict Canon de nouveau imprime a Geneve ou ilz se donnent pour le prix de sept ou huict ducattons en blanc ; pour plus grande facillite du port il suffira quilz soyent relies en simple parchemin ; oultre cela encoures le Rationalia I uris et De erroribus ( ? ) pragmaticorum mis en lumiere par le seigneur president Favre 63 si cela ne vous incommode pas trop et si faire se peult de nous les mander par le pre– mier retour du sire Mellon qui doit estre dans ung mois, lequel nous a pro– mis nous les appourter . Ilz nattendent que ces livres pour se mettre en Li lisse. Il ny a rien a perdre car appres sen estre servis ilz en trouveront tousiours leur argent. Le grand desir que iay que bien tost vostredict filz vous puisse faire preuve a vostre plus grande consolation du fruict de ses estudes me faict chercher toutes les voyes et tous les moyens plus conduisable a celle fin pour laquelle ie prie Dieu de !accompagner tousiours d'ung heureux succes correspondant a voz sainctz desirs avecque aultant daffection que ie prie Dieu vous conserver en prosperite et longue vie et demoure. Joublioie un Lexicon ]uridicon aussi nouveau imprime en Allemagne, a Francfort me semble par les hoirs dung Vuilscleph et de lequel ie masseure se trouvera aussi a Geneve. Je vous envoy la quictance cy ioincte par Quemod le rentier de Gresy. Vostre tres humble serviteur Noel Carrier. D'Avignon ce 13e aoust 1605. (63 ) Il s'agit d'Antoine Favre (1 55ï-1624 ), dit le Président Faber, qui fut un insigne jurisconsulte et auteur de plusiew·s oeuvres de droit.