21 Le Flambeau - 06

Tot cen voyadze se bionde dzerbe. Tsacun le melate a sa meison, Apre le s-épion totse i verdze, Dzà le fleyé commençon leur tsanson. Pecoton lo quatren, le paille levette, Sorton le cleyé, baleyon lo gran; Pe bien épuré le pouignente s-arète Beton in fonchon l'ouro d'un grou van. Pe lo restan penson le feille, Lo papa l'est conten de son gnalet, Pe tot l'an pout nouri sa fameille, S'en parti moulin avoue son melet. Lo tsaten passe, l'aouton tot tsandze, Le foille dzane tséson di s-arbé, Se vouidon bau, partset et bantse, Lo ner tsaffiaou quette de feumé. Lo soleil p ailio peree l ' orora, Mande su la terra se blaillo reyon; Ronfle lo gré i bù de sa gora, Parton le s-aouse pe d'atre s-orizon. Arreuve l'iver, tset la nei blantse, Su le tet ner épate son manté, Semble de vère un vaoulo de s-andze, Que su la terra descendon a troupé. S'aprotse Tsalende, tot l'est un sonno, Intreme di brenve retrounou le crep Di tsassaou que ten s-en ten braconon, Et di piante que se clliapon di fret. VENANCE BERNIN. -15-