22 Le Flambeau - 12

vin... Et cetta drola de mesecca que tint lo trin tran, me fet pi mà qu'euna bouegneina... De mon ten, le joueur sonnavon lo rin– cllin et lo fifre. Sonnavon doucemente et pà avoue tot lo tapadzo que fan ara atot cella machina infernala. Tave: Aveitsa, Batesar, cella groussa voèteura que voyadze pe l'air. Cen-lé, l'est lo tél~férique que porte le dzen su pe lo Mont Rose. Batesar: Dz'arìo jame sondzà de vére de bague semblable. Dze si intsantà de constaté tan de progré, me in memo ten dze regretto de vére que i dzor de voue le dzen l'an pamé gneun respect pe la nateura. Etot le femalle son drole, totte peillotte, sensa geina. Dze vèyo pamé no dzen costume d'un cou, plen de ruban et de pitset. T ave: Veit-te totte celle dzen atot le !an su le s'épale ? Vegnon i Breuil de tseut le couté di mondo pe skié su notre rouése. Skié vout dére colatté su la nei atot de lan désot le pià. Batesar: Quan dz'allavo in montagne d'iveur, pe ·pà inflondzé, dze martsavo su la nei avoue le raquette. Med-i: Vouè ! l'alpinismo étot l'at fet de grou progrè. Batesar: Dze si fran conten de vére que vo s-ei todzor l'amour pe la montagne. Quan dz'ero dzovenno, dze partichò lo matin de bouna aoura, tot arbeillà de drap, un grou sac su le s-épale. Din lo sac de pan ner, de saoucesse, de bodin, de vioù fromadzo gamolà. Din ma man dreite un alpestoque. Din ma man gotse lo barlet et i pià de grousse botte bien ferraye. Dze partichò lo matin a trei s-aoure atot me s-ami et no s-apeillan su pe la couta de Tsarvensò et de lé on prégnave lo sente que meine a la becca. Dze penso qu'a traver le siècle le sensachon son todzor le meme. No s-àtre, in arreven din lo bouque de l'Ermetadzo, n'ayan lo boneur de vére arbèyé et de sentì lo coucou. Le verdzasse saou– taillavon d'euna rama a l'àtra in .no s-acompagnen su di coté de Tsamolé. Le dzen pàteuradzo i mei de jeun ! Le dzen pàteuradzo i s-erbe tendre et de melle et de melle violette que no s-aveitsavon atot la douceur di jeu di fenne... Parfeun d'aspeuque, parfeun d'artamisa et parfeun de violette ! T ave: Pi sù lo lac de Tsamolé de la coleur di ciel yaou le gnoule se contemplon. Pi sù, todzor pi sù, lo col Penetra et bà de l'àtro coté la montagne de Comboè et damon Arbolle. Un gran tropé de féye, de fèye pi blantse que la nei, no s-aveitsavon et no no martsavon sù ver lo col di Capetsin, pi sù ancora, sù ver la gran becca de l'Emilius, sù ver lo ciel. -115-