22 Le Flambeau - 12

Medé: Quinta vuya, me s-ami ! Di Mont Blanc i Grand Paradis; Di Grand Combin i Cervin et i Mont Rose. Totta noutra bella vallada catsaye din l'ombra violetta de l'aveprà. Tave: Ara no fat finì avoue cette conteille. Lo soleil se catse dzà dère le Grande Muraille et no fat ancora allé a Saint-Vincent. SUÈ~E IV Dans une rue de Saint-Vincent, Batesar, Tave e Medé sont assis à la terrasse d'un café. Arrive une serveuse avec des consomc mations. La tsambrere: Voilà le trei café ! Adon, le Monseur l'an-té fet euna bouna cina ? Batesar: Vouè ! n'en fran bien mindzà. Medé: Pe continué lo discour de devan, dze diavo que la borna desot lo Mont Blanc l'est quasi finìa et atot cella di Grand-Saint-Ber– nard no porterà de grou s-avantadzo, de grousse retsesse, me in memo ten no saren codzù de bataillé pe mantenì noutro dzen patoé et totte noutre tradichon. Lo mondo intser vint informò pe le gran moyen de comunicachon camme la radio, la télévision et le journal. L'ommo voyadze dzà pe l'air et finque i fon de la mer et un dzor bien protso finirà étot pe arrevé din la leuna. Lo progrè de cice deré s-an l'est énormo : tseut l'an in tsé leur lo fornet élétrique, la machina pe moudre lo café, la machina pe bat– tre la crama, pe caoudre, pe lavé, pe conservé i fret la nourriteuva, pe fére le contso, pe écrire, pe sentì la mesecca et ancora tan d'invenchon le s-eune pi intéréchante que le s-atre. Me avoue totte cette déqueverte, le s-ommo son restà cen que l'etsan un cou. Son restà de sentimental, apeillà a l'art, i tradi– chon et a la nateura. Euna gnoula, euna pavioula, la tsanson d'un rossegnol, euna fleur pouvon todzor remplì d'émochon lo coeur de l'ommo. Tave: Vei-te devan no ci grou batimen ? Cen l'est lo «Casinò» de la Vallée », yaou le dzen van dzoyé a la roulette et i tsemin de fer. Sù de ci coté lé, fonchonne la nouvelle source, euna di pi moderne di mondo. Passe un groupe de cinéastes. Une femme tient en main une<< Grol– le d'Or>>. Ils parlent en italien du prix qu'ils viennent de gagner. Batesar : Quan dz'ero in vìa, cent an fé, le grole étsan de bouque, ara le fan d'or. -ll7-