22 Le Flambeau - 12

Le conte de Touéno Lo detto- Glode l'eye un pouro matas que vequichèt a la dzornò et l'ayet po de possibilità de se feye euna posichon convenabla, paye un bo– dzor l'at pensò de parti pe l'Amerique feye forteunna __ . Avoe de gran sacrefìcho s'est beuttò a couti le sou di voyadzo et a la fin voèlà que lo dzor tan attendù arreuve... Devan que parti vat saluyé lo cuesin Souprien et n'en profìte pe lei demandé se l'ayet pa quaitsousa a lei baillé meudjé. Cit lei repon que l'ayet maque dou s-ou couèt a la cocca... - Mioù que ren - fé Glode - , i:naque ara poue po te le payé. - Te me le paye pi quan te tome de l'Amerique..., repon Sou- prien. - Adon o revoar et merçi. - Canque et bonna forteunna. Vint-an apri Glode torne a son pay retso comme un juif et sa pre– meye préocupachon l'est itéye çalla d'allé payé lo detto a Souprien... Te vei mon cher ami - lei dit in entren - que dz'i po ou– blià mon detto, tin cice sou. Et lei baille cen dollar. Souprien o lieu d'etre conten lei fé: - Pe le s-ou s'areyan fenque trop, me t 'o oublià que dei adon son passò vint-an, pensa, se mé dz'aisso beuttò cové cice dou s-ou s'are– yan chortu dou peudzin que pi tar l'areyan fé 'ncò leur de s-ou que mé dz'areyo possù torné beutté cové et s'areyan chortù fouva d'atre peu– dzin et apri djé s-an dz-areyo pe lo mouen cen meulle dzeleunne qu'a conté, euna vouè et l'atra na, l'areyan fé meulle s-ou pe dzor que mol– teplià pe trincensossantecinc dzor fareyan desevouètmeillon doucen– cincantameulle s-ou pe an, donque se dze le vendisso tcheut fareyan atro que cen dollar. Pouro Glode, sayet pame que se nén deye, se l'aisse faillù payé tot ci capitai lei sareye po bastò lo doblo de sa forteunna gagnéye in -89-