22 Le Flambeau - 12

Amerique, donque lo pi queurt tsemin l'eye d'allé troué un avocat et lei splequé lo cas; me cit cé, sentù camme l'eyan le tsouse l'a po possù feye a mouen de baillé reison a Souprien. Pe Giade lei eye fran pame ren a feye , torné in Amerique pouchè pame perqué Souprien l'ayet dénoncha-lo devan lo consillateur p'éta– bli la tseufra. Bon... lo dzor deut Giade sen part p'allé intsi lo consillateur et pe lo tsemin rencontre Metché que lei fé: - Eite qui se véit, adon camme va t'i ? -La santé yèt me l'est lo restan que vat mal, repon Glode, et lei raconte cen que lei accapitave. Metché pense un moman denque lei dit: - Va maque tranquillo, mé dze vou djeusto canque i metcho denque dze couro te défendre, in attenden té di lei que t'i po d'accor de payé. Quan Glode arreuve devan lo consillateur, Souprien l'eye dza lé a attendre cice grou dollar que per lliù tsijan bo di ciel camme euna plodze. - Adon, dze voue lo tri quar de ta forteunna et bonjour la belle, dit a Glode. · Et Glode: - Bonjour la belle te la di-pi a la fin, pe lo moman pa– yo ren di tot. Souprien: - Commcn ? Remercìa lo ciel que dze demando po tcheut me drouèt... Un ci moman arreuve Metché que dit in entren : - Perdonnéde-mé se dze vo s'y fé attendre, me devan ma faillù passé a meison beutté coueye de fèisou de le planté cetta vépro. Lo consillateur in senten cen fé: - Vouè-me, té t'i mat de planté de féisou couèt. Et Metché: - L'est bin cen que dze deyo 'ncò mé de Souprien que vouillet beutté cové de s-ou couèt a la cocca. Grace a Metché, Giade l'at sovò se dollar... Quan I'Enquera vat a I'Enfer Un dzor monsieù l'Enquerà d'Arvi apri se fonchon réligieuse l'at penso d'allé baillé lo soupro a la vigne et devan que parti dit a la ser– venta : - Si quelqu'un me cherche priez-le d'attendre car je descends à l'Enfer << soufrer » la vigne... Un moman apri arreuve Tave, pe commandé euna messa in me– mc;méye de sa femalla, et dit a la serventa que l'areye volù prédjé a Monseur. -90-