21 Le Flambeau - 03

- Commen don, - demande lo papa. - Dz'i perdu l'otobus di s-écoullie et a place d'attendre l'atro que passave apri, dze si venu i metso a pià. Et lo papa, jame conten, repleque: - Pensa se un dzor te perduche lo taxi vèyo de beillet de melle t'éparmerie. Conclujon logique Passien l'ere dza tseca de ten que restave pa bien, me l'ayet pa voya de crié lo medecin. - L'est pa 'euna tsousa grave dijet, passe poue praou camme l'est vina. Dze penso que l'est pa lo cas de fére veni lo medecin i metso tseut le cou qu'in pète. Totin magre se bon propou, lo noutro Passien aoutre pela net l'at avu euna crise moustra que sa fenna l' at fallu fére venia gran vitesse lo medecin. Cit inque lo vesete de pià in cap et sat pa s'esplequé cen que dzablo pout avèi Passien.- Lo coeur l'est régullie, le pourmon san propo, de fevra n'at pa, la lenva l'est pa tsardzàye... - Se dz'i bien comprèi, intervint la fenna de Passien, mon ommo l'est in tren de mouere iri plèina santé. RAYMOND V AUTHERIN Avèitsa; quan papa et mamma drumon semblon t'e pa a de s-andze? 98