21 Le Flambeau - 03

que crapon vegnon pa demandé trop de s-esplecachon comme fan le paren di dze. Sidonie- Rèisonnemen pi que éisatto. Secondin (Lèi prègnen le man)- Madama Sidonie me trové in face a voutre grace dze me sento un poillen. Sidonie (Reterrien le man)- Me semble que vo èisagerade tseca. Secondin - Dze l'amo pa perdre de ten. Dze si todzor età de l'avis que se in pout fat sogné euna personna devan que sieye malada. Sidonie - Grace a Dzeu pe lo moman dze si in bouna santé. Secondin - Dze lo betto pa in doute. L'est pe cen que mè dze voue vo s– èidzé a preveni la maladi avoue totta ma pachon imaginabla. Sidonie - Totin se cognetre tseca depi gate pa ren. Secondin - Va, va, tot de conte. Pi in se cognet, mouen in se condze– ble... Crèide-mè que dz'i euna certèina espériance a l'égar donque... (In ci moman arreuvon Adeline et Fernan) Chéna XIII Sidonie, Secondin, Adeline et Fernan Adeline (Entren)- Dze si fran contenta de vère que v'èi dza fé le pre– sentachon. Secondin- No eron dzeusto in tren. Fernan (S'aprotsen de Sidonie, lèi prégnen la man, d'un ton galan) -Ma chére Sidonie dze si todzor eureu de te vère et de fére quatro douce bar– tavalàye avoue tè. Adeline (Lo trepellen vià)- T'oublie de saluyé Mossieu Secondin. Secondin - Bon dzor mon cher. Fernan- Bon dzor a tè (Lèi prédzen protso di bouegno) mon cher pe– tsou femallu . Secondin (Memo dzoà)- Daccor, me mè dze si pa marià... comme... Fernan (Lest)- Ssst! miou de pa tan prèdzé de cette bague t'e pa? Tan– te son maque de prèdzo di dze. Secondin - T'a rèison; miou de pa baillé fèi et fére non de ren. Adeline (A Fernan)- Vu que noutre dou s-ami l'an panco bien avu lo ten de se présenté, quetten le s-est a leur occupachon. Fernan- Dabor! Secondin l'est tan ochaou. (S'en van) 101