21 Le Flambeau - 03

Chéna XIV Sidonie et Secondin dèicen Fernan Secondin- Quatsun a ma piace dirie:- No vouèlà solet! Sidoni e - In effé l'est pare. Secondin (Leven le bré)- Na, mè dze dio que a force no poven no s-im– braché pe miou no cognetre. Sidonie - Pian i bague... Dze vo s-èi dza deut que vo allade tseca trop vito. Secondin - (Tornen sopendre le dou bré camme qui voluche la imbra– ché) - Jame trop vito quan se trate d'intreprendre euna relachon avoue euna madama comme vo... Dz'aouserio dere comme tè! (Ivre le dou bré) Sidonie - Toodzen; me semble que vo prendre pitou facilamente fouà. Secondin- L'est pa de ma fota se dz'i un coeur grou pare (Jvre le dou bré) Sidonie - L' est pe cen adon que quan vo crion pe allé veseté quaque betse malade vo lambade comme euna levra. Secondin (D'un er galan)- Devouer professionnel ma chére Sidonie, dze l'amo pa fére attendre le femalle. Sidonie - Son pa le femalle que vo dèide veseté, son le betse. Secondin - Vouè me la pi par di ten son le femalle que vignon me tser– tsé Vouèlà tot. (Lèi tenden le bré) Allé mina chére cognessen-no tseca miou... Dz'i fata de communiqué! Sidonie - Pa cé pe dedin in tse Fernan et Adeline. Secondin- Adon cen que no attenden d ' allé in tse tè. Sidonie - Qui vo s-at deut que no dèyen allé in tse mè? Secondin- Gneun! se te-préfére allen in tse mè. Sidonie- Na, na l'est miou de no cognetre tseca depi. Secondin- (S'aprotsen de Sidonie, pren la carèya et la bette protso de la pourta) - Et mè dze si inque pe ci motif. Dz'amo fére le cognessance teta a teta. (In ci moman entre Fernan et pe pacca s 'intsambotte pa avoue la carèya). Fernan - Quin l'est ci toéno que féi cette dzestre? (Avèitsen la pose– chon de Sidonie et Secondin) Dze demando perdon!... Conteniade maque (Se bette a tossi) dze vou me dzére, dze resto pa tan bien et dz'i euna beurta tos. Secondin - Te fa fére euna bouna tisana. Fernan -T'a rèison dz'i fran fata d'euna bouna tisana (Torne tossi et féi pe chortre me in ci moman arreuve Bosso/in que pe pacca s'intsambotte pa incò lliu avoue la carèya). 102