21 Le Flambeau - 03

Secondin (Lèi baillen campa)- Bougro d'un roplot, pren-tè varda sensa cen dze te pecco le bouegno in salada. Lodie (A Bosso/in)- Pe trompé le dze t'e bon, ren adere. Adeline- Perqué t'a t'e trompà incò tè? Secondin (A Sidonie)- In attenden que leur se tsandzon le s-idé dze pen– so que no dou no sen de trop inque pe dedin donque l'est miou d'alle fére un tor. Sidonie- Se l'est pe miou no cognetre dze dio pa de na. (S'en van) Chéna XVII Fernan, Bossolin, Adeline et Lodie Adeline (A Lodie)- Adon se pout t'e savèi cen que l'i est intre vo dou? Qui v'ete et de yaou vo vinde? Lodie - Ebin se fran vo volèi savèi, no dou no sen pa marià et mè dze si gninca qui l'est Bossolin. Fernan et Adeline (Surprèi)- Eh... ! Bossolin (A Lodie)- Bougro d'euna toquetta, te pou pa vardé tina lenva in caro. Lodie- Te fére passé p'un bossu et pe lo mouendro di cratagnet, ver– gogne. Bossolin- Dze l'i fé per te, perqué bon (Lèiféyen de dzenjeu) mè dze voudreyo tot partadzé avoue tè. Lodie - A bin sen bien montà partadzé te misére et te cagne. Bossolin - Et magara étot la tsambra. Adeline (A Fernan)- Adon se son pa marià son pa ommo et fenna. Fernan- Et vouè saret praou pare. (A Adeline, moutren Bosso/in) Lo beurt moustro tot lo sen dzor din ma bibliotéque a fére lo paresseu avoue me levro. Adeline -No sen età bien trompà ren a dere. Fernan (lnmaleuchà a Bosso/in) - Pren te quatro patin et... vià de pé- rinque. 104 Bossolin (A Fernan)- N'i dzo pa droet i vouèt dzor? Fernan (Crien)- Dz'i deut vià... Adeline (A Lodie)- Incò tè va-t'en de sen de mè... Fernan (A par)- Maladetto cen lèi faillet pa.