21 Le Flambeau - 03

.... EUREUSE FREDEINE Comédie en un acte en patois valdotain par Raymond Vautherin PERSONNADZO: Fernan Adeline fenna de Fernan Bossolin domestecco Lodie fenna de megnadzo Sidonie arnia de Adeline Secondin veterinéro La chéna se passe in tse Fernan Chéna I Lodie dèicen Fernan Lodie (Soletta in tren de redreché le metso) - Fran pe dere la veretà, redreché le metso l'est pa poue un travail pi beurt que cen. Baste savèi se prendre et pa avèi de pressa. Et pensé que se un per de dzor fé m'uchan deut que dze sariò fenia inque, dz'ariò jame crèyu; me quaque cou lo asar dzoye de drole de dzestre... (féyen la mistérieusa) Perqué vo dèide savèi que.... (In ci moman entre Fernan et sensa sefére senti tsertse de l'imbraché) Fernan- Èi, èi ma petsouda Lodie! Lodie- Plantade-la lé de tsertsé de m'imbraché pe dère. Fernan - Adon quetta-tè imbraché pe devan. Lodie- Vouè... et se pe capita arreuve voutra fenna? Fernan - Adeline l'est ba i courti in tren de baillé bèire i prie di salade (féi pe torné l'imbraché). Lodie (lo repoussen)- Me l'est euna fissachon la voutra; tseut le dzor la mema conta. Se jarni mon ommo no vèuche gare a no. 86 Fernan- èi, èi, ma petsouda Lodie! (Chéna l)