21 Le Flambeau - 03

Fernan- T'a rèison, dz'ayò pa pensà a cen, atten euna menuta: (pren euna carèya et la place devan la pourta a drèite) Parè se Bossolin entre, no lo senten devanque l'ache lo tende no vère (tsertse torna de l'imbraché). Lodie (Lo repoussen)- V'èi maque de crouéye s-idé pela teta. Fernan- Mè dze le trovo boune. Dz'i todzor de boune s-idé quan dze vèyo tè. Apre tot dze vou-dzo pa tseca depi que ci croué cratagnet d'ommo que t'à? Lodie- Ssst! dide-lo pa tan fort, se s'apercèit de quaque tsousa dze si bin pa comme van fenile bjigue, l'estjalou comme un pou borgno. Fernan -Et mè que dze lo crèjou tseca touéno. Lodie - Pa tan que cen; avèits.ade que un moue de cou le s-apparance trompon. Fernan- Adon féyen euna baga... Mè dz'i euna dzenta tsambra aoutre lé i metso vioù yaou quaque cou dze vou me catsé quan dze voue resté solet... heun? no poureyan no trové lé...T'e pa? Lodie- Na, na, prèdzade-n'en pame que cense pout pa! Fernan- Perqué? Lodie- Perqué! perqué dze voue pa trompé voutra femalla. Fernan- Que t'e bin brava...L'est pa tè que te la trompe, dze si mè. Lodie- Totin, l'est panco bien vint dzor que no sen in tse vo et vo v'ete dza in tren de volèi me taradzé. Vergogne! bin. m è. Fernan- Vou-te que no remandèyan d'un per de dzor? Mè dz'attendo Lodie - Dze vo lo repèto que dze fou pa cen a voutra femalla. Fernan- Vouè-me, t'a panco comprèi que l'est pa té que te lo fé me Lodie- Que coradzo a voutro adzo. Fernan -In plen bon. Un adzo plen de verneque que tè te le sondze gninca. Un ommo de mon ten l'est brivo comme un poillen. Lodie- Mè de fredèine avoue vo dze n'en fou pa! Fernan - Acouta me vint euna idà... Lodie- Incora? Tseut le dzor v'èi de s-idé nouve. Vo dèivrio fére l'in– venteur. Fernan - Mè dze me fou passé pe malado avoue euna tos de la fourca (se bette a tossi) et tè te vin me pourté euna bouna tisana de tilleul aoutre lé a la tsambra... eun? Cen que te n'en di de ma trouvada? Lodi e (s 'en allen, su lo fon a gotse) - Vo poude attendre. 88