21 Le Flambeau - 03

Chéna II Fernan solet Fernan - Maladetto, pa facilo de donté ci petsou betson. A par que fran pe dere la veretà dze si bin panco reussi a n'en donté d'atre magre mon savèi fére. Portan de ten s-en ten dze si tentà de fére quaque fredèine avoue de fe– malle mariàye; surtou quan te le s-à pe le metso et te viondon tot di lon alen– tor. (Féyen lo mistérieu) De cetta magnere la baga reste, comme se dit, reser– vàyè. (Tsandzen de ton) Dze me demando cen que Lodie trove d'interessan dedin ci cratagnet d'ommo que l'at. Se fuche pa per llie dze l'ariò dza mandà écové le foille. Dèi que l'est inque l'at panco fé un sou de travail et in pi l'est tot di lon catsà dedin ma bibliotéque a défoillaté me Ievro. Quan dze lèi de– mando de fére quaque tsousa l'est comme prèdzé a un meur, repon pa ( nante la teta) Un ,dzor o l'atro dze lèi sopatto le pudze, te va vère! (In ci moman se sent de tapadzo et la voéce de Adeline) Arreuve Adeline l'est miou que dze me facho pa vère. (S'en vat su la gotse in tossaillen i memo moman que entre Adeline et resque de s'intsambotté avoue la carèya). Chéna III Adeline dèicen Lodie Adeline - Quin l'est ci martelet que féi cette bague. L'est dza un per de dzor que cetta carèya l'est todzor pe lo menten di pià. (S'avèitse alentor) Gneun...vat dzeusto bien me fat mandé un messadzo a Secondin. (S'achate a tabla pren un papi et un crèyon et se bette a écrire) Mossieu Secondin; qui vo s-écrit l'est euna femalla mariàye, serieusa (leven la teta, i pebleque) bien depi que son ommo (tornen écrire) plèina de bon principe que l'at fata de vo vère lo pi vito possiblo pe vo prèdzé d'euna affere intima que pout vo s-intèrèché. Cetta femalla vo s-atten in tse llie i numéro 5 de la gran tsarere quase i sondzon di Velladzo. Quan vo arreuvade, baillade dou crep a la pourta pare dze compregno que v'ete vo. Tanque api tar.... Adeline. (Bette lo beillet dedin un enveloppe et lo cachète). D'apri cen que m'an deut, Secondin déteste pa le femalle, donque dze penso manqueret pa i randevou. (In ci moman entre Lodie). Lodie- Per voueu dz'i fenet lo megnadzo. Adeline- Yaou l'est Bossolin? Lodie- Mon ommo l' est catsà dedin la bibliotéque de mossieu Fernan. Adeline - Dze me demando cen que caque tot lo sen dzor intremie di levro. 89