21 Le Flambeau - 03

Lodie - Dze si pa vo lo dere, dze si maque que llit et écrit bramente. Fèit allé de matse de papi. Adeline- Et cen que écri-t'e? Lodie - Dze si pa vo lo dere, me quette pa entré dedin la bibliotéque; et poue a mè cen intéresse pa di moman que dz' i pa l'abetude de lliere. Adeline - Vo, vouè euna dzenta cobla, ren a dere; un ommo insignifian que l'at pa voya de fére ren et euna fenna que lo èidze. Lodie - V' èi rèison madama; dze poue pa vo baillé tor se vo vèide le bague de ci coute. Adeline- Cen que dze comprègno pa, l'est perqué mon ommo lo quette a ren fére dedin sa bibliotéque. Lodie- V'èi fran rèison madama. Adeline- Apre tot se Fernan l'est conten pare que se gratèye, apre tot son de bague que lo regardon. Lodie- V'èi pi que rèison madama. Adeline- Dze me demando commen t' a fé a marié un corse semblablo plen de lèisse-mè ité. Tè te mereterie bin quaque tsousa de miou fran pe dere la veretà. Lodie- Atro qué! .. lo dit fenque Fer. .. (s 'an·ete) Adeline - Bon ara quetten perdre et va me crié ton Bossolin et manda– Io pourté ci beillet a son adrèsse tot de suite. (S 'en allen)- T'a comprèi? Tot de suite! Chéna IV Lodie dèicen Bossolin Lodie - Adeline me trouve foula et insignifianta, me se savuche comme son le bague dze si chura que la penserie déféren! Bon ara quetten perdre; di ten que vat pare lèichen le bague comme son et taradzen pa lo nit di vepe. (Crie) Bossolin vin cé! Bossolin ( entre , l'at de grousse lenette et l'est bossu, pourte étot euna barba)- Cen que t'a a me crié? Dze t'e dza deut de pa me dérendzé quan dze travaillo. Lodie- Féi pa rire le mor... Te t'e gninca de paren avoue lo travail. Allé pourta ci beillet a son adresse; et lamba. Bossolin- Pourta-Io tè, t'e tan bouna a comandé. Lodie- Gni~ca pe sondzo, dze si pa ta serventa, t'a comprèi? 90