21 Le Flambeau - 03

-- - - -- -- ------ Lodie et Bossolin (insemblo)- Na. Fernan - Etbin, pe ci cou no manden lo petsou de noutre vesin; lliu lo féi volontsé se no lèi baillen quaque caraméle. Bossolin- Bouna idà, dz'accèto voutra prpposechon et dze vo remercio, vo vouè v'ete un ommo compréansiblo. Lodie (A par)- Ah, cice s-ommo pe arreuvé a quaque tsousa farian dze si pa dequé. Fernan (A Lodie) _:_Va crié lo petsou et bailla-lèi un per de caraméle et manda-lo fére la comechon. Lodie- Dze vou perqué v'ete un ommo rèisonnablo. Bossolin (A vouece baassa a Lodie)- Paresseusa. Lodie (S 'en allen)- Boillatro. Chéna VI Fernan et Bossolin Fernan- T'a vu, avoue tseca de bouna volontà s' arreuve a tot. Bossolin- V'ete trop bon avoue llie; vo fat etre pi deurt. In tse mè son le femalle que travaillon. Fernan- Ah, vouè? Et le s-ommo cen que fan t'e in attenden. Bossolin (D'un er mistérieu)- Em, em! se tegnon in fourma et plen de vigueur! Fernan- Dze comprègno. A propou, dze voudreyo te fére remarqué eu– na baga. Bossolin - Dide, dide maque. Fernan - Adon épatta le bouegno perqué dz'i l'imprèchon que tè t'e tseca mal intenden. Bossolin - Dépen mossieu Fernan. Quaque cou dze si chor, meut et avouillo se fat. Fernan - L'est pa mon cas. Se te te rapelle, .quan dze vo s-èi prèi in tse mè, dze vo s-èi baillà a un tsaquin voutro travail et bin dze dèivo constaté que tè te négledze te fonchon. Bossolin- Ren d' étrandzo, mossieu Fernan, que volèi-vo mè dze si pa nèissu pe fére certèine bague. 94