21 Le Flambeau - 03

-------· Chéna VII Fernan dèicen Lodie et Bossolin Fernan (Solet) - Commence poue dza a m'inmerdé ci Bossolin de la maloura. Ah, se fuche pa pe Lodie dze l' ariò dza mandà écové le foille quatro cou. Lodie (Entren sensa avèitsé Fernan)- Bossolin, vin vèi inque? Fernan (S'aprotsen)- Dze l'i mandà fére de bague, pare n'en tot lo ten de... Lodie (Lo repoussen)- Na, na, pa de cette gogne, Bossolin pourreye entré d'un moman a l'atro. Fernan- T'a rèison. (Pren euna carèya et la bette dèri la pourta) Vouè– là, ara no sen tranquillo. ren. Lodie - Tranquillo ren di tot. Avèitsade que tramoué le moublo sert a Fernan (Malencolecco)- Vin me baillé un petsou potin. Lodie-Na! Fernan - Perqué. Lodie- Perqué dz'i pa de rèison pe volo baillé. Fernan- Deman l'est mon anniverséro... Lodie- Ebin, cen que cen vout dere? Fernan - Cen vout dere que l'est euna bouna rèison pe veni me souèté bouna feta. (Tenden le bré et s'aprotsen de llie) Allé vin me souèté tan de dzente bague. Lodie (Lo repoussen et terrien foura di beufet un bosquet de fleur de violette) - Tan de soué mossieu Feman.. . et bouna feta. Fernan- De violette? que dze n'en quaquo de cette violette; l'est pa ço que dze voue. Lodie - Fèide de tisana atot; l'est un bon remedzo contre la tos. Fernan (Contrarià)- Te me fèi monté lo san a la teta avoue te reponse foule. Lodie- Insistade pa, dze voue pa fére de cette fredèine. (In ci moman entre Bossolin, et manque pocca que vat lon étendu pe térra a cosa de la ca– rèya) Bossolin - Maladetto quin l'est ci martelet que bette todzor le carèye dèri le pourte. (In attenden Lodie escappe su la drèite) 96