21 Le Flambeau - 06

Lo PANATE Yleana. -N'a t'e incò pe pousa a feni la fornà? Joset. -Et vouè, que vou-te; lo travàill'est lagnèis, moillé la paata, la bréyé, fére le pan, l'est pa euna baga que se féit in cinque menute. Me bon, n'en la sodisfachon d'avèi de pan pe tot l' an. Yleana. -Passa-mè tseca de ferenna pe plèisi... Joset. (Lèi bai/le defarenna din le man, et la mèitsà vat pe terra) . Yleana. -Cen que t'a voueu? t'e pa comme de coteuma. Te tappe pe terra la farenna, te bette de seucro a piace de la sa, te caye d' éve bolle– quenta a piace de çalla frèide ... Eh? Di vèi cen que t'a? Joset.- Ren, ren. Yleana. -Di pa de conte. Cen que t'a? Joset. Ebin cetta net dz'i un randevou avoue Lorantine lé dère la lèi– teri, adon dze si tseca impachen... Yleana. Ah, dzaque adon! dze comprègno...Vìva tè. Mè o contréro son dou s-an que dz'attègno que ci implatro d'un Michel se deciduche de me baillé un cou de jeu. Me ci martelet compren ren. Lliu vèit maque lo eu di vatse. Et mè toquetta dze si incò inque a attendre...Me un moman o l'atro te va vère... Joset. Sst! Quèya arreuve quatsun. Davi. Salu avo, poue-dzo vo s-adreché euna demanda? Joset. -Bien cheur! Cen que te vou? Davi. -Dze tsertso un travail; v'èi pa decou fata d'un apprentis? Joset. Yleana. -Na, vouè! Yleana. -Pourreye fére lo fornasin, Metsé n'en pout pame avoue son ma d' esteunna. Davi. -Et cen que dze dèivreyo dzo fére? 134