21 Le Flambeau - 06

LO SABOLE Marcellin. -L'est poue incò belle péniblo ci travail, te regne l'ét– senna. Joset. -T'a belle rèison, apre un per de s-aoure in at étot le bré ret. Marcellin. - Tsapotté tot lo dzor de bouque maque pe mindzé de po– lenta et de croué fromadzo mégro. Marcellin. -Et n'en gninca un ano pe porté noutre moublo. Joset. - Vouè, no fat fére no le s-ano. Gustave. -Adon? V'ete in tren de tsapoté de bouque pe rèyé lo fouà? Marcellin. -Vouè-me totin! E-te fin ou fou; d'accor que lo bouque l' est pa di pi dzen, me fran lo cayé i fouà, na! Joset. -Ah, cice dzovenno, san t'e me camme se travaille. Gustave. -No s-atre de metsé, no féyen le sabole. Te compren? Joset. -Et pare no tsapoten lo bouque pe terrié foura le sabò. Marcellin. -L'est t'e bien defecilo apprendre ci metsé. Gustave. -Defecilo na, fat maque pa avèi de pressa et tratté lo bouque amodo. Marcellin. -Camme se féit pe tsevé lo bouque? Joset. -Fat implèyé la tavalla et comenché a fére la boma ... Gusta ve. -Sensa passé de l' atro caute di bouque. Marcellin. -Et apre? Joset. -Et apre dessu lo tsaplaou on comense a lèi baillé la fourma; dèinque on poulide lo sabò, in lo sarren i menten di tsambe, avoue lo tsanfrin. Marcellin. -Cen que l'est lo tsanfrin? 136