21 Le Flambeau - 06

Otomobiliste jantilo Pantion et Federi son in tren de desquetté di pi et di mouen pe fére passé un moman lo ten. A un certen pouin lo leur discour tset dessu le s– otomobiliste et leur comportemen. Pantion achurèit que cice ceilla quan son dessu leur voéteura son pame le meme personne et vignon arrogan et prepoten comme tot. -D'accor; me son pa tseut pare, repleque Federi, lèi son quan memo de s-otomobiliste jantilo, serviablo et presta te baillé un cou de man se t'a fata. Lèi son bin étot de cice que se te reste a pià pelo lon di tsemin te bail– lon un passadzo et se necesséro t'oberdzon fenque in tse leur. -Ah, Vouè? repon Pantion pitou macréyen, tè te pense incò que cette bague accapiton i dzor de voueu? -Mè vouè! achurèit sensa éisitachon Federi. -Adon vout dere que de bague semblable te son dza accapitàye, demande Pantion. -Na, a mè na, repleque Federi, me a mina femalla vouè! 82