21 Le Flambeau - 06

Lasouye Fili, un garçon dza tseca maou et solet i metso un dzor decide de se marié avoue Denise pe avèi euna compagni. L'ere estouf de fére euna via déreillàye, de mindzé maque d'écheut et d'allé quase todzor drumi i tsan di pou. D'atra par Denise l'est euna dzenta feille, moderna, sportiva, plèina d'attività, fran camme lo son le feille di dzor de voueu donque l'est cen que fat pe noutro gaillar. Totin, dèi le premie dzor de mariadzo, Fili tarde pa a se rendre contso que sina Denise, saret praou, dzenta, intel– ledzenta, attiva, modema...tot cen que t'a voya, me com- me megnadzere et surtou pe fére a mindzé vat pa lo llian d'un saque. Un dzor Fili, camme debi– lavan lèi accapite choven, se trove devan lo plat de la souye et magre totta sa bouna voya arreu– ve pa a s'ingotré lo mindzé de Denise. Cetta-cé lo vèyen fére de grime lèi deman– de: -Cen que te pense de · mon mindzé? Fili l'avèit– se bien et dèinque la pré– gnen pe man, d 'un ton sou– rien, lèi repon: -Se dze te dio que la souye l'est bien bouna, te me promet de jame pi n'en fére? 84 RAYMOND VAUTHERIN