Flambeau - Le

-Na, na, pe cen l'y est pa ren a dere, intre sou et bien, m'at quettà la valeur d'un meillar, repon Fideline. -Èite-di! Maron! esciame surprèisa Sofie que n'en revint pa. Euna dzenta tseufra, ren adere pe un que sayet pa ni lliere ni écrire! -Et gninca nadzé, repleque Fideline in soupiren. -Que dze fucho pome la tino chose pachence; me esplequa-mè vèi perqué cetta fatteura de cinquante dove vesette a domicilo? Leçon de boune magnere Françoése l'est incò euna metressa a la moda vieille, comme n'en l'abetude de dere no s-atre, memo se l'est dzovenna. Fat bin étot dere que vint d'euna bouna écoula donque fat pa s'étonné se bette a profi cen que l'at aprèi et a son tor tsertse de transmettre a se s-écoullier 75