21 Le Flambeau - 03

Le pi pégno végnon accompagnà de la mamma, san tchica épouèrià et l'an lo petro plèn, no le consolèn et le s-accompagnèn. " Vegnade maque dedeun vère, noutra écoula l'est dzenta! La métressa no l'ame bien, no baille euncò de dìméle de tèn s-en tèn " . Et voilà que recommenche eun nouvi an d'écoula. Su la pourta la métressa No s-attèn, no la saluèn et n'entrèn. Que dzenta l'est noutra écoula totta lavaye et bièn redrechaye, lo fornet l'est dza areijo et dou bouque no sèntèn lo bon flò. N'entrèn et no lambèn tsertchi noutro ban, lo véyèn de louén, y pourte de secatrice que renque no le recougnissèn. Cé no passèn case totte le séison: l'aouton, l'iveur, l'éfouriy et lo comèncemèn de l'étsatèn. Que dzen l'est l'aouton: de noutra fenetra no véyèn tan de dzènte colòo. Le faille san rodze, san verde ou l'an la colòo de l'òo.