21 Le Flambeau - 03

I trèmblon ou premeì souflo de l'ouva, l'iveur l'est protso, le gnoule poyon, la nèi s'approtse, autoo du foua no predzèn de l'étsatèn. " Tè yaou i-te allò l'étsatèn passòo ? Su ou By ou Lemamacey ? ". " Mè si allò eu Lar du Bouque. Que dzèn tot l'étsatèn épattò ou soléi a vardé le mouton et le tsevréi su pe ci ce clliapèi ". Et voilà que no racontèn le dzornaye de l'étsatèn passaye su pe calle dzènte montagne ou méiten di tsamot et di marmotte. Me aya no fat tchica étudji et i noutre pégno s-ami no fa eidji. "Orno vo doo, vinde cé et dide qprì mè Albero A, Bandiera B" et l'alfabé se décrotse mot aprì mot. Lo ten passe et can l'éfouryi arreuve-pouì, no sén-poui queut pi saven et pi conten. De face a no le periye et le laventse tchison di beurio de l'Allé, van canque ou torran. N'èn pa poueye, no sèn que l'est lo moman que la tèra remée,