21 Le Flambeau - 03

Ou boueil n'at todzò de femalle que lavon et frotton et l'an jamì fini, l'an totta la meison a appropréy. Bientoù no s-en allen co no, l'est l'éfouriy, la seison avance, no fat décordé le vatse et le vi que l'an tan voya d'itre libro come no. Et eun bo dzor la pourta de l'écoula se cllou. Su la pourta no no saluén, no sén contén me n'én queut tchica lo peutro plén. Co la métressa l'àt le joué pi louyen. No lei féyen eun gro poteun et no lei souéten eun bon étsatén. Llié no dit to toodzen " Itade sayo, ébloudzade-vo bien et a no revère apri l'étsatén" . EMILIA RONC