21 Le Flambeau - 03

Lo beni de veille Foura féyave frette é l'oura soffiave É di bon lèi la nèi ba végnave. Lé dzo éiron quieu è londze lé natte, l'éire d'evéi É i tsa di beui lé dzé éiron contente dé s'acapéi. Su lo plantché lé vatse totte tranquille rondjavon É apè di forné quieutte sé tseuidavon. Lé viou dé-z-écové féyavon to dé biolle É to dé sadzo dé tsavèn, pé béttéi lé trifolle. Bien dé fenne éiron én trèn dé feléi É d'atre, avoué dé lara, lé tséihon romendéi Lé rache tuguiavon la tabletta é la léhon Tastoou su l'artse é dé bréiillon. Lé fiille éiron èn trèn dé broudéi, Éiron case totte preste a sé mariéi. Lé gasòn olieu féyavon fran rèn É dzoyavon i carte pé paséi lo tèn. Mé on dé lè lé frustapotte l'a soouroou É to sèn lo travaille lé l'a plantoou. Ommo, fenne, viou, viéiller é gasòn L'an danhia é sé son ameusoou, a séi jouli son Fénque lo pou qué l'éire a dzocquie é fer éndroumi L'é bèicha ba é s'é béttoou a tsantéi. Contèn dé la compagnì. SAMUEL VUILLER