21 Le Flambeau - 03

La veseta di Colonel Lo Colonnel d' euna caserna l'ayet l'abitude de fére se ve– sete in caserna quan le sordà se lo attendzan lo mouen. Un moue de cou allave fenque in bordzèis pe vère la reachon de se sordà. Un dzor arreuve me in caserna sensa se fére annonché et vèit lo sordà que l'est de varda a la pourta avoue le man in secotse, lo tsape de trave et baille pa fèi a cice que van et entron. Lo Colonnel s'aprotse de lliu et l'avèitsen bien din le jeu lèi dit: - Èi, tè ! l'est-e cetta la magnere de fére la varda? Sa-te qui dze si mè? Et lliu todzor avoue lo memo er de s'infottre di s-atre, crie le sordà que san dedin la caserna in dien : - Vinde vèi ceilla euna menuta. Inque l'y est un viou foura de teta que sat pame qui l'est. Éisagerachon Un dzor un Amériquen, in vacance dedin un pay de mon– tagne, s'arrete devan lo courti d'un campagnar in tren de re– coueilli de courtilladzo. I fon di courti lèi son étot un moue de s-abro a fruta tseut bien cultivà. - Cen que l'est que v'ete in tren de coueilli? lèi demande l'Amériquen. - Dze si in tren de coueilli de freque. - De freque cen ? N o in Amérique n' en de freque grou pare et moutre avoue le dove man euna grouchaou énorma. Avèitsen un pomme demande cen que l'est çalla fruta? - Cen san de pomme, lèi repond lo campagnar. -De pomme ? repleque l'Amériquen, no in Amérique n' en de pomme grousse pare et torne moutré avoue le dove man euna grouchaou de trenta centimétre di diamétre. Dèicen véyen un per de balle couche de vinta trenta kilo demande: Et çalle bague cen cenque son? - çalle bague san de péset, repond tranquillamente lo paysan.