21 Le Flambeau - 03

Moyen de persuajon Lo dirèiteur d'euna fabrecca de produi indeustriel, prèdzen avoue lo responsablo di vente, lèi féjet cetta remarca: - Rapella-tè que se no volen avèi de sucsè dessu lo martsà di martsandise que no betten in vente fat bien savèi, devan tot, presenté lo produi. - L'est cen que no féyen mocheu lo dirèiteu, repond cit inque. - Vouè me baste pa, vo dèide tsertsé de convencre depi noutre potenciel dian in propaganden depi lo produi. - Portan, avèitsade que no féyen pa d'atro que de le pre– senté dedin la meillaousa magnere imaginabla, dze vo garan– tèisso. - D'accor me rapella-tè, repleque cit inque, que baste pa de le presenté, fat incò savèi insisté tanque lo produi entrèye pa dedin la teta di dzen in repéten continuellamente son non. Me tè te voillè me prèdzé. De cen que se tratte ? - Dze voillò maque vo rappelé que vo dèijò, camme d'ac– cor, me omenté la paye, me omenté la paye, me omenté la paye. Mamma : quan l'est que lo mindzé se paut defeni : - de peuqué pe le gadin- !