22 Le Flambeau - 12

DzAN FIN ET DzAN Fou -<> Raymond VAUTHERIN Quan in oublie le bague Federi l'est dza in retar pe allé i travail quan dessu la pourta sa femalla Dionise l'arrete in lèi dien : -Te te rappele quin dzor l'est voueu ? -Vouè, vouè, dze me rappelo, ma chére, lèi repond s'en allen de coursa, tanque : no no vèyen cetta net. Totin pe lo lon di tsemin pense que dzablo pout etre ci dzor perqué se lo rappele pa. Saret'e l'anniverséro de maria­ dzo ? La feta de Dionise o çalla de noutro mèinà ? Pare, pe pa se trompé, a mie matenà mande a Dionise un grou bosquet de rouse ; ver nona un paquet avoue dedin euna tsemisetta de sèya et l'aveprà euna balla conféchon de chocolà. Lo net quan Federi arreuve i metso, trove sa femalla des­ su la pourta a lo attendre et totta contenta l'imbrache in lèi dien. -Que bravo t'e età de me fére tseut cice regal, dze te re­ mercio fran bien. - Pa ren pe cen ma chére, repond Federi, son pa de bague que accapiton tseut le dzor. -A propou, contenie Dionise : cetta matin quan t'e parti a lambo et te m'a pa baillà lo ten de te lo rappelé, dze voillò maque te dere que voueu vegnet Variste no baillé lo blan a mèison. Ornitologi Michel de Sandrine frecante la facultà de veterinéro et, ci dzor, dèit sotteni l'èisamen de ornitologi. Pare se presente devan lo professeur que dèit lo interrodzé et cit inque lo avèitse bien avoue un certen regar moccar, dèicen ivre un levro, toppe l'emadze d'un aouje de magnere a quetté vére maque le piotte et demande a Michel :