22 Le Flambeau - 12

Martsan de boneur improvijà Pacide l'ere un ommo plen de seurprèise et quan prèdzave te sayet jame se dijet le tsouse pe dabon o bin pe rirci seurtou quan l'ere in compagni de quatsun i l'ayet todzor euna nouva a terrié foura. Un dzor, a la feta d'annivcrséro de son ami Joconde, prèdzen avoue Fideline, euna fenna que cognechet pa, in lèi avèitsen lo mon de Vénus de sa man, lèi dit: -Madama, vo v'èi cinque dzeunteure: cen vout dere que vari cinque mèinà ! Candide que se trovave protso de leur, l'ayen sentu, de­ mande a son tar lèi féyen vére lo mon de Vénus de sa man: -Et mè véro de mèinà dz'ari dzo? - Véyen tseca, repond Pacide avèitsen la mani dove dzeun- teure donque dou mèinà. -Pa possiblo, mè dze si l'ommo de cetta madama, asserèit Candide. Pacide tot serio se reprègnen contenie: - Portan l'est pare i cetta madama l'aret cinque mèinà i dou avoue vo, et trèi avoue san secon ommo ! Moman de l'élévachon Mariandze l'est euna femalla bien religeusa et manque jame d'allé a messa la demendze et a totte le balle fete, memo quan l'at avu san petsou Fabien, a pèina cit l'at avu un per de s-an l'at portà-lo incò lliu a messa. Noutro petsou Fabien quan entre pe lo premie cou a l'élliese s'avèitse bien alentor de lliu et dèicen demande fort: -Mamma, yaou l'est lo Bondzeu? Mariandze repond tot toodzen i mèinà, pe pa se fére senti i s-atre fidélo: -Lo Bondzeu l'est d'apertot, lliu vèi tot et sent tot i resta quèi. In attenden la messa contenie et i moman de l'élévachon, lo servan sone trèi cou la clliotsetta et dedin lo silance se sent euna petsouda vouéce demandé: -Mamma, ara lo Bondzeu vint-e repondre i telefone?