22 Le Flambeau - 12

LES POÈTES DU TERROIR Penso n Té que t'a chouen di baggue et te retsaèy totte te pensou en-gn-odre, t'a pa accapou eun croué tchévrèi dèperdu su ta montagne que te tormente et argoille avoue te secret desir ? L'est mon petchiou stchapeun que eun gn-avèprou l'est parti-me yà, lliu que todzor de té me prédzave et di tormen pe té se roudzave : acouta-lo pa, te prèyo se te dit de tsouse que gneun ouse. Repourtame-lo que dze l'embouèyo deun mon verdje yaou se senton prédje-se le faille. Lo faoudé de magàn Nombreuse d'atre fonchon l'ayé lo faoudé que magàn portave illatoù i neuillon, outre que a preservì di tsàte et di frito lo lon gonì de téila pesanta. Faoudé que fijé deviza squia lo dzounvréi, blantse pe la feta, pe allì a la Messa la demendze et i martchià lo demarse. � Eumpléyà eunco comme gan pe prélévi di treipià la beurlenta cassioula d'aàn, pe soppatì la braza eundreumia, pe pànì la chiaou de son fron " � � MARCO GAL