La correspondance d'Albert Bailly Volume II Années 1649-1650 publiée sous la direction de Gianni Mombello

4 1 6 Correspondance c/'A. Bailly - 1649-1650 vostre force, vostre fermeté, vostre justice, toute la plenitude de vos vertu s, et de vos faveurs, et à me devouer cent fois le jour à vostre service. Monsieur de Sainte Croix3, qui est autant que mon bon ange, instruit et persuadé de ma franchise, et de ma fidelité, sera, s ' il luy plaist, ma bouche, et ma caution. Je me fie à luy, corne un original se fierait à son image, si elle avoit l ' usage de la raison, et de la voix. Je supplie tres humblement V.A.R. de me donner audience en sa personne pour la remercier, et pour luy jurer, s i la copie imite parfaitement son modele, les deux genoux en terre, et tenant les mains sur l ' Evangile, que je veux vivre et mourir, Madame, de V.A.R. la tres humble, tres obeissante, et tres obligée creature, D.A. Bailly. De Paris, ce 23. decembre 1 650. (marge gauche,f0l r) Madame, je prens la hardiesse de rendre de tres humblers graces à V.A.R. de l 'honeur que vous avés fait à mon image, et dont elle m'escrit des miracles. J'y prens une tres grande part, puisqu'Aristote a dit que l 'honeur qu'on rend aux copies se raporte aux originaux. Par cette raison, je suis tout ce que vous l 'avés fait, et neantmoins, il n'est pas tout ce que je suis, car, le meschant, il n'a point voulu de bonnet, ni de breviaire. 3 Nicolas Charpi de Sainte-Croix, cf. lett. 1 1 3, n. 1 .