La correspondance d'Albert Bailly Volume III Année 1651 publiée sous la direction de Gianni Mombello

252 Correspondance d'A. Bailly - 1651 luy a escrittes, que cette Princesse compatit extremement à vos peines et courone vostre conduitte de louanges». La Reyne repliqua: «C'est le superieur des Peres Barnabites qui vous a donc dit ces chosesb, car il est tout Il [f0 2r] à ma soeur». Et l'ami luy aiant dit qu'ouy, elle repondit: «Vous me donnés bien de la joye de me dire ces choses. On m' avoit bien dit le contraire. Je crois ce bon Pere etje vous prie de luy dire, de ma part, qu'il asseure ma soeur de tout le fond de mes affections et queje suis toute à elle, seulement qu'elle soit constante». L'ami luy dit, là dessus, si Sa Magesté desireroit que je l ' entretinsse, de temps en temps, de V.A.R. et de ses interests. Elle repondit que non, pour eviter tout soupçon". Ce furent ses termes; mais qu' elle vouloit que l ' ami et moi nous vissions souvent, que je dirois à l' ami tout ce queV.A.R. voudroit luy faire dire, et qu' elle me feroit faire reponce par l ' ami. Il conseilleV.A.R., Madame, d' escrire à la Reyne une lettre de condoleance sur le depart forcé de ces trois Messieurs et que vous luy ferés un extreme plaisir. Il desireroit mesme de la luy rendre. Madame, je suis obligé, et vous m' avés fait l' honneur de me commander de vous escrire toutes choses, I [f0 2v] et ainsi j' espere que V.A.R. prendra en bonne part mes hardies obeissances. Un Prince doit tout sçavoir et ne rien ignorer. Enfin, Madame, je ne fais que proposer; à Dieu ne plaise que je luy donne de mon chef aucun conseil. Elle sçaura bien le prendre d' elle mesme; sur tout, Madame, tenés bien, s ' il vous plaist, cet advis secret, et que l'Espousée, qui voit maintenant la Reyne souvent, n'en sçache rien. Nous luy romprons bien ses coups. V.A.R. me fera grande grace de me r'envoier ce papier bien cacheté. Je la supplie aussi, Madame, de commander à M. Sansoz d'escrire quelque chose en faveur de M. de Chavigni, dans sa reponce; ces douceurs ne coutent rien et font effet. Pour les autres nouvelles, Madame, V.A.R. les sçaura d' ailleurs, comme la Reyne a contremandé le conseil des parties, aiant appellé M. le Chancelier auprés d'elle, tout presentement.