La correspondance d'Albert Bailly Volume III Année 1651 publiée sous la direction de Gianni Mombello

Dossier 241 259 Ainsi, tousjours, il est vray que le Cardinal est sans resource et privé de toute esperance de retour. Les Enquestes opinerent hier et ont continué d' opiner ce mattin. Et il a passé que la Reyne donneroit, ou pour mieux dire le Roy, une declaration portant nouvelles defences au Cardinal de revenir en France, et à tous sujets du Roy d' avoir aucun comerce avec luy, et qu'on infotmeroit de nouveau contre luy, et pour M. le Prince que la Reyne seroit tres humblement suppliée de \luy/donner toutes sortes de seuretésh. On a trouvé l' arreté de la Cour fort moderé, au moins pour les termes, car, sans ordoner l' eloignement des trois, que M. le Prince demandoit et, par consequent gardant le respect qui est deu à l ' autorité royale, au moins apparemment, neantmoins tacitement, le Parlement indique, par ces mots de toutes sortes; de satisfactions, qu' il faudra que ces Messieurs là s ' en aillent, si M. le Prince persiste à faire de leur eloignement une partie de ses seurtés. I [f° 4v] Il faut remarquer deux grandes preuves de l' autorité de M. le duc d'Orleans et du respect que le Parlement a pour S.A. . C ' est que, tout d' une voix, il a passé qu' on s e remettoit à luy de l' eloignement des trois, et que ce qu' il en delibereroit seroit l' arreté de la Cour. D' autre costé la Reyne en a fait de mesme, aiant escrit au Parlement qu' elle en feroit tout ce que son frere, le duc d' Orleans, voudroit. Ce Prince, qui a certainement beaucoup d ' esprit et de conduitte, voiant que sous pretexte d' honeur, on vouloit se decharger sur luy de toutes les mauvaises graces, a remercié l a Reyne et le Parlement, et protesté qu'il ne vouloir point se charger de cette affaire, dans laquelle il ne pouvoit du moins que de choquer la Reyne ou M. le Prince. Et le Parlement, qui a aussi reconu l' adresse de Monsieur, pour ne pas s' attirer aussi la haine de l ' un ou de l ' autre, a restreint son arrest à ces mots assés respectueux. Tant y a, Madame, que si le Prince tient bon, ces trois sont perdus. C ' est demain que M. le Cardinal devroit entrer à Donquerque, s i les resolutions du Parlement ne l 'empeschent, et il est tres vray, que s ' il y