Le lettere di Renato di Challant governatore della Valle d'Aosta

70 G. FORNASERI a adverty, il m'en avoyt cy devant escript et pour obvier à l'in­ convenient qui en pourroyt sourvenir j 'en ay escript au baillif Rosey, iuges de Chablaix et de Gex, se informer comme l'affere passe et, s'il y a chose digne de pugnition, qu'ilz facent exéquuter les principaulx de ceste mennée, pour donner exemple aux aultres, pour teni r les rebelles en craincte. M onseigneur, par le prevost Villette, présent porteur, vous serez informé de la despeche, que sur l'affere de Thonon j 'ay faicte avec lequel j 'en ay bien aulong devisé que me gardera vous facher de long propos , s'il n'est pour vous supplyer l'avoir pour recommandé en ses afferez et luy fere deslivrer argent de ce qu'il puysse con­ tenter les compaignons qu'il a entrectenuz pour votre service, et pour ce, monseigneur, que je ne scay à qu'by la dict congrégation faicte pourra tomber, j e ne bougeray d'icy j usques le tout soyt vuydé, actendant votre venue, laquelle, comme vous plaist m'es­ cripre, sera en brefz. Monseigneur, j e vous mercye très humblement de ce qu'il vous plaist me faire deslivrer, comptant l'argent que m'est dheu, vous assheu­ rant, monseigneur, que ce me sera gros advantaige, à cause des intéretz, qu'il m'en fault à ceste occasion supporter à Lyon et, pour­ ce que la retardacion du dict payement a esté faicte de si longue main et que despuys deux ans en ça les intérestz montent quatre cens escuz à rayson de cinquante pour foyer, il vous playra y avoir du regard à ce que j e ne supporte telz fraiz. Et quant à ce qu'il vous plaist escripre au trésourier Ravoyre pour le payement de mon estat, vous en mercye très humblement, vous suppliant me pardonner si par cy devant vous en ay fasché, car la nécessité d'ar­ gent , au (1) j 'ay esté et suys, m'en a constrainct de ce fere. Monseigneur, il vous plaira me mander et commander wz l:>on _ s plaisirs pour les accomplir · de mon pouvo:vr , . Dieu aydant , - lequel je prie, apprès m'estre très humblement recommandé à votre · bonne grace, vous donner , monseigneur, très bonne vie et longue. De Chambéry, le premier de j uillet. Votre très humble et très obéissant subgect et serviteur, Challant. IP. S.] Monseigneur, - despuys ma lettre escripte, j 'en ay :reçeu une des baillif et juge de Chabla.i:x, laquelle il vous envoye et pource que le prevost Villette s'en va par devers votre excellence, j 'ay res­ cript à son frère s'en aller avec ses gens vers le dict baillif de Chablaix et exéquuter ainsy que luy sera commandé contre les délinquens. (1) Per u où n.